La Catedral celebra los 950 años d'apertura del Arca Santa, una "ayalga" de reliquies

El documentu certifica que'l 13 de marzu de 1075 el monarca abrió l'Arca y cita les 85 reliquies qu'atopó dientro

La Catedral d'Uviéu celebró'l 950 aniversariu de l'apertura del Arca Santa, que se venera nel templu de la capital asturiana, por parte del rei Alfonso VI cola amuesa del documentu que dio fe d'esti actu en 1075 y que recueye'l llistáu de reliquies que tenía la pieza.

Pa conmemorar esta efeméride, el canónigu archiveru de la Catedral, Juan José Muñoz, xunto al profesor d'Hestoria de la Universidá d'Uviéu, Miguel Calleja, y la directora del Muséu de la Ilesia, Otilia Requejo, amosaron esti vienres a los medios de comunicación el documentu que narra cómo tuvo llugar el ritual de l'apertura, quién asistió y nel que se numberen les 85 reliquies que tenía l'Arca Santa.

Esti pergamín, robláu, ente otros, por doña Urraca, la hermana d'Alfonso VI, tamién recueye la donación que'l monarca fai a les Ilesies d'Uviéu de la xurisdicción del territoriu de Llangréu.